- सोमबार, १७ मंसिर, २०८१
पर्सा, २७ पुस– तराई मधेस लोकतान्त्रिक पार्टीका अध्यक्ष महन्थ ठाकुरले गणितीय हिसाबमा मधेसको मुद्दालाई बहुमतले समाप्त पार्ने प्रयास गरिए आफ्नो पार्टी आन्दोलनमा उत्रिने चेतावनी दिएका छन् ।
संविधानसभामा रहेका दलहरूले बहुमत र अल्पमतको आधारमा मधेसको मुद्दालाई ओझेलमा पारी मधेसीलाई अधिकार नदिए आफूहरुसँग आन्दोलन गर्नुको विकल्पन नहुने उनले बताए ।
पर्सामा कार्यकर्ता घेटघाट कार्यक्रममा ठाकुरले मधेसीको समस्यालाई राज्यले समस्याको रुपमा नबुझेको कारण समस्या समाधान हुन नसकेको दावी गरे ।
नेपालमा विभेद रहेसम्म शान्ति हुन नसक्ने भन्दै ठाकुरले मधेसी, पहाडी, दलित, मुसलमान, आदिवासी जनजातिलाई विभेदरहित रुपमा राज्यले व्यवहार गरेमा मात्र विद्यमान द्वन्द्व समाप्त बताए ।
