नेपाल एक विकेटले पराजित (स्कोरकार्डसहित)

काठमाण्डु टुडे २०७० पुष २७ गते १:१९ मा प्रकाशित

Nepal-vs-kenya-8काठमाण्डु, २७ पुस – एकदिवसीय विश्वकप छनोट क्रिकेट प्रतियोगिता अन्तर्गत दोस्रो आधिकारीक अभ्यास खेलमा पनि नेपाल पराजित भएको छ ।

तिब्र गतिका बलरहरु महङ्गो सावित भएपछि  केन्याले नेपाललाई १ विकेटले पराजित गरेको हो ।

नेपालले प्रस्तुत गरेको २ सय ६६ रनको लक्ष्य केन्याले १ बल अगावै ९ विकेटको क्षतिमा पूरा गर्यो । शक्ति गौचनले १० ओभरमा मात्र २८ रन खर्चिएर ४ विकेट लिएपनि टिमलाई जिताउन सकेनन् ।

यस्तै सागर पुनले ३ तथा बसन्त रेग्मी र जितेन्द्र मुखियाले समान १ विकेट लिए ।

नेपालको हारमा निकै महङ्गो सावित भएका सोमपाल कामीले विना कुनै सफलता ८६ रन दिए । अघिल्लो खेलमा सानदार प्रदर्शन गरेका सोमपालले केन्याका ब्याट्सम्यानसामु कुनै जादु देखाउन सकेनन् ।

यसअघि टस जितेर पहिले ब्याटिङ गरेको नेपालले निर्धारित ५० ओभरमा ८ विकेट गुमाएर २ सय ६५ रन जोडेको थियो ।

नेपालका लागि ओपनर अनिल मण्डलले सर्बाधिक ६२, विनोद भण्डारीले ४८ तथा प्रदिप ऐरीले ४२ रनको योगदान गरे । यस्तै सरद भेषावकर र बसन्त रेग्मीले समान २३ रन जोड्दा पृथु बास्कोटाले २१, ज्ञानेन्द्र मल्लले १४, सागर पुनले १३ तथा महेश क्षेत्रीले ६ रन जोडे । शक्ति गौचन ५ रनमा अभिजित रहे ।

न्यूजील्यान्डमा यही पुस २९ गतेदेखि सञ्चालन हुने खेलमा नेपाल समूह ‘ए’ मा रहेको छ । यो समूहमा युएई, स्कटल्यान्ड, क्यानडा र हङकङ छन् । समूह बी मा नेदरल्यान्ड्स, केन्या, नामिबिया, पपुआ न्यूगिनी र युगान्डा रहेका छन् ।
नेपालले आफ्नो पहिलो खेलमा सोमबार युएईको सामना गर्ने छ ।
जसमध्ये शीर्ष दुई टोलीले आगामी सन् २०१५ मा अस्ट्रेलिया र न्यूजील्यान्डको संयुक्त आयोजनामा हुने विश्वकपमा खेल्न पाउनेछन् ।
नेपाल र केन्याबीचकाे खेलको स्कोरबोर्ड
Nepal Vs Kenya

Copyright © 2016 kathmandutoday.com Department of Information Reg No:460/074/75 About Us