- शुक्रबार, १४ वैशाख, २०८१
काठमाण्डु, २० पुस– प्रधानमन्त्री तथा मन्त्रिपरिषद्को कार्यालयका सचिव कृष्णहरि बाँस्कोटाले मुलुकको आर्थिक एवम् सामाजिक रूपान्तरणका लागि सहकारी अपरिहार्य भएको उल्लेख गर्दै सहकारीको नाममा ठगी गर्नेमाथि कडा कारबाही गरिने चेतावनी दिएका छन् ।
सहकारीको अवधारणा आर्थिक र सामाजिक रूपान्तरणका लागि भएपनिसहकारीको नाममा ठगी बढिरहेकाले त्यो नियन्त्रण गर्न सरकार कठोर भएर प्रस्तुत हुने उनले बताए ।
नेपालमा २९ हजार ५ सय २६ वटा सहकारी दर्ता भएका छन् । ती सहकारीमा १ खर्ब ५८ अर्ब १६ करोड २७ लाख रुपैयाँ निक्षेप रहेको छ । यस्तै १ खर्ब ३३ अर्ब ७२ करोड दुई लाख कर्जा लगानी भएको छ ।
