पेरुमा बाढीबाट १६ हजार घरवारविहीन

लिमा, १८ पुस–पेरुको दक्षिण भागमा पर्ने आन्डेआन कुस्को क्षेत्रमा पर्ने एक नदीमा भारी वर्षापछि बुधबार आएको बाढीेको कारण १६ हजार स्थानीय बासिन्दा घरवारविहीन भएका अधिकारीहरुले जानकारी दिएका छन् ।
पेरुको राजधानी लिमाबाट १ हजार १५१ किलोमिटर दक्षिणपूर्वमा पर्ने दुर्गम क्षेत्रमा बुधबार बिहान सवेरै आएको  सो बाढीबाट ती व्यक्तिहरु घरवारविहीन भएका पेरुभियाली समाचार सञ्जालअन्तर्गतको रेडियो कार्यक्रम डेल पेरुले जानकारी दिएको बताइएको छ ।
उक्त क्षेत्रका मेयरका अनुसार नदीमा आएको सो बाढीबाट घरहरु बगाउनुकासाथै घरभित्रका सबै सरसामान नै नष्ट भएका  छन् ।
मेयरका अनुसार केन्द्रीय सरकारलाई सो बाढीबाट पीडित व्यक्तिहरुलाई   सक्दो छिटो संकटकालीन सहयोगका लागि संचेत   गराइएको छ ।
स्थानीय अधिकारीहरुका अनुसार वर्षा अझै लगातार भइरहेकोले  हुनाले बाढीको मात्रा पनि  अझै पनि बढ्ने डर रहेको छ । सिन्ह्वा