
काठमाण्डु, १४ पुस – अण्डर नाइन्टिन एसिया कप क्रिकेट प्रतियोगिता अन्तर्गत समूहको दोस्रो खेलमा पनि पराजित भएपछि नेपालको सेमीफाइनल प्रवेशको सम्भावना लगभग सकिएको छ ।
दुबइमा आइतबार भएको खेलमा टेष्ट मान्यता प्राप्त राष्ट्र भारतसँग ९ विकेटले पराजित भएसँगै नेपाल समूह चरणबाटै बाहिरिने लगभग पक्का भएको हो । यसअघि पहिलो खेलमा पाकिस्तानसँग १ सय ३२ रनले पराजित भएको थियो ।
नेपालले दिएको १ सय ३७ रनको झिनो लक्ष्य भारतले २५ ओभर १ बलमा मात्र १ विकेटको क्षतिमा पुरा ग¥यो । भारतलाई सहज जित दिलाउने क्रममा अखिल हेरवाडकरले ७१ र कप्तान विजय जोलले अविजि ६१ रनको योगदान गरे । नेपालका लागि एक मात्र विकेट कप्तान भुवन कार्कीले लिएका थिए ।
यसअघि विभत्सु थापाको ४७ र आरिफ शेखको ४० रनको मद्धतमा नेपालले सबै विकेट गुमाएर मात्र १ सय ३६ रन जोडेको थियो ।
समूह चरणको अन्तिम खेलमा नेपालले मंगलबार घरेलु टोली युएइको सामना गर्ने छ ।