- शनिबार, १५ वैशाख, २०८१
काठमाण्डु, १३ पुस– १९ वर्ष मुनिको एसिया कपमा समूह चरणको पहिलो खेलमा नेपाल पाकिस्तानसँग १ सय ३२ रनले पराजित भएको छ ।
पाकिस्तानले दिएको ३ सय १२ रनको लक्ष्य पच्छ्याउने क्रममा नेपालले पुरै ओभर खेल्दै ७ विकेट गुमाएर १ सय ७९ रन मात्रै बनाउन सक्यो ।
नेपालका लागि अमित श्रेष्ठले सर्वाधि ६० रन बनाए । यस्तै सुनिल धमलाले ३९, आरिफ शेखले २५ तथा विभत्सु थापाले २२ रन बनाए ।
टस जितेर पाकिस्तानले ब्याटिङ रोज्दै निर्धारित ओभरमा ६ विकेट गुमाएर ३ सय ११ रन बनाएको थियो । उसका लागि शामी अस्लामले सर्वाधिक १ सय ८ रन तथा हसन राजाले १ सय रन बनाए ।
नेपालले आइतबार भारतसँग खेल्नेछ भने मंगलबार युएईसँग खेल्नेछ ।
