‘२०४७ को भन्दा फरक संविधान बन्दैन’

काठमाण्डु टुडे २०७० पुष ६ गते १०:२८ मा प्रकाशित

cp gajurelकाठमाण्डु, ६ पुस– नेकपा–माओवादीका उपाध्यक्ष सिपी गजुरेलले अहिलेको संविधान सभाले २०४७ सालको भन्दा फरक संविधान नबनाउने बताएका छन् ।

संविधानसभा यथास्थितिवादीको कब्जामा रहेको भन्दै गजुरेलले २०४७ सालको भन्दा फरकखालको संविधान बन्न नसक्ने बताए ।

काठमाण्डुमा भएको कार्यक्रममा गजुरेलले संविधानसभाबाट कुनै राजनीतिक निकास पनि ननिस्कने र संविधान पनि नबन्ने भएकाले त्यसको औचित्य नरहेको दाबी गरे ।

सर्वपक्षीय राजनीतिक सम्मेलन बोलाएर देशमा विद्यमान समस्याको निकास निकाल्न उनले आग्रह गरे ।

त्यस्तो सर्वपक्षीय सभाले मात्रै देशलाई निकाश दिने उनको भनाइ थियो ।

 रासस

Copyright © 2016 kathmandutoday.com Department of Information Reg No:460/074/75 About Us