- शनिबार, १५ वैशाख, २०८१
काठमाडौं, ३ पुस- नेपाल पत्रकार महासंघले सदस्यता वितरणमा गल्ती भएको स्वीकार गरेको छ ।
महासंघले गल्ती स्वीकार गर्दै मंसिर २४ गते सबै जिल्ला र प्रतिष्ठान शाखामा सदस्यता स्वीकृतको जानकारी सहित पठाएको पत्र फिर्ता लिएको बुधबार जनाएको छ ।
‘महासंघको विधान, यसको स्वीकृत विधि र परम्पराभन्दा बाहिर गएर सदस्यता वितरणको कार्य हुँदैन’ महासचिव ओम शर्माले निकालेको विज्ञप्तिमा भनिएको छ ‘कहिँ कतै भएमा छानविन गरी सच्याइने छ ।’
महासंघले तत्काल संगठन समिति र केन्द्रीय समितिको बैठक बोलाएर सदस्यता विवाद समाधान गर्ने जनाएको छ ।
यसअघि नयाँ सदस्यता वितरणमा विरोध जनाउँदै नेपाल प्रेस युनियन र क्रान्तिकारी पत्रकार संघले विरोध जनाएको थियो ।
विवादका कारण प्रेस युनियन संवद्ध महासंघका पदाधिकारी र सदस्यले महासंघको एउटा बैठकमा नोट अफ डिस्सेन्ट नै लेखेका थिए ।
