- शुक्रबार, १४ वैशाख, २०८१
काठमाण्डु, पुस २– मन्त्रिपरिषदका अध्यक्ष खिलराज रेग्मीले सांस्कृतिक सुसम्बन्ध कायम गरी एकतामा आबद्ध भइ अघि बढ्न आग्रह गरेका छन् ।
ज्यापू दिवसको अवसरमा काठमाण्डुमा भएको कार्यक्रममा अध्यक्ष रेग्मीले नेपाली नेपालीबीच मैत्रीभाव कायम राखी सम्बन्ध थप प्रगाढ पार्नुपर्ने बताए ।
रेग्मीले नेपालका सांस्कृतिक प्रचलनहरु हाम्रो सम्यताको विकाससँगै जोडिएकाले सांस्कृतिक पर्वको ऐतिहासिक महत्व र सम्मान गरिँदै आएको र यही कारण नेपालका कतिपय प्रचलनलाई राज्यले मान्यता दिई यस्ता विशेषताको संरक्षण र प्रबद्र्धन गर्दै आएको उल्लेख गरे ।
ज्यापू दिवसलाई सरकारले मान्यता दिई पर्व मनाउन सहयोग र समर्थन गरेको उनको भनाइ थियो ।
रेग्मीले नेवारी समुदायलगायत नेपालमा बसोबास गर्ने सबै नेपालीबीच कायम रहेको मैत्रीभाव र सद्भावपूर्ण सम्बन्धलाई प्रगाढ बनाउन महत्वपूर्ण अवसरमा रुपमा यो पर्व रहेको बताए ।
रेग्मीले स्वच्छ, निष्पक्ष र शान्तिपूर्ण वातावरणमा चुनाव सकिएको भन्दै सबै मतदातालाई धन्यवाद दिए ।
कार्यक्रममा संस्कृति, पर्यटन तथा नागरिक उडड्यनमन्त्री रामकुमार श्रेष्ठले नेपाललाई विश्वसमुदाय माझ चिनाउने प्रमुख माध्यम् सांस्कृतिक नै भएकाले यहाँको सम्पदा, रीतिरिवाज, चाडपर्व, खानपिन र रहनसहनका ऐतिहासिक पक्ष र पाटोको सम्बद्र्धन गर्नेतर्फ सबैपक्ष सचेत हुन आवश्यक रहेको बताए ।
आयोजक संस्थाका संरक्षक तीर्थराम डंगोलले नेवार भनेको संस्कृति र समुदाय बोकेको समुदाय मात्र नभई राष्ट्रको पहिचानसमेत भएको उल्लेख गरे ।
