- शनिबार, १५ वैशाख, २०८१
काठमाण्डु, २ पुस–अमेरिकामा भारतकी उप महावाणिज्यदूतलाई कपडा खोल्न लगाएर त्यहाँको प्रहरीले तलाशी लिएको खुलासा भएको छ । भारतकी उप महावाणिज्य दूत देवयानी खोबरागडेलाई भीसा नियम उल्लंघन गरेको आरोपमा न्यूयोर्क प्रहरीले गिरफ्तार गरेको थियो ।
उनलाई कस्टडीमा लगेर कपडा खोल्न लगाएर तलाशी लिएको खबरले भारतमा सनसनी मच्चिएको छ । त्यतिमात्रै होइन भारतीय उच्च अधिकारी देवयानीलाई हथकडी लगाएर अपराधी, लागू औषध कारोबारी र यौन व्यवसायीहरुसँगै राखिएको थियो । तर, पछि अदालतमा दोषी प्रमाणित नभएपछि उनलाई साढे २ लाख डलर धरौटीमा उनी रिहा भइन् ।
भारतीय अधिकारीहरुले मानवअधिकार उल्लंघन गरेको भन्दै अमेरिकी प्रहरीको आलोचना गरेका छन् । राजदुत हो भन्ने जान्दा जान्दै पनि यसप्रकारको दुर्व्यवहारको उनीहरुले निन्दा गरेका छन् । तर, न्यूयोर्क प्रहरीले ‘माथिको आदेश’ भन्दै त्यसो गर्नु आफूहरुको बाध्यता रहेको स्पष्ट पारेको छ ।
तर, भारतीय अधिकारीहरुले यसलाई ‘भारतप्रति अमेरिकाको हेपाहा प्रवृत्ति’ भनेर आलोचना गरेका छन् ।
भीसामा गलत विवरण लेखेको र घरेलु कामदारलाई दुर्व्यवहार गरेको आरोपमा देवयानीलाई न्युयोर्क प्रहरीले १२ डिसेम्बरमा गिरफ्तार गरेको थियो । उनलाई हिरासतभित्र कपडा खोल्न लगाएर तलाशी लिएको र अपराधीहरुसँगै राखेको भन्दै भारतले आपत्ति जनाएको हो।
