- शुक्रबार, १४ वैशाख, २०८१
गौशाला, ८ मंसिर । संविधानसभा निर्वाचनको मतगणना परिणामसँगै महोत्तरीको सदरमुकाम जलेश्वरमा शुक्रबार हजारौँ रुपैयाँको फूलको माला बिक्री भएको छ ।
शुक्रबार एमाओवादीको एक, एमालेको एक र शनिबार बिहान एमालेको एक र काँग्रेसको एक गरी चार जना उम्मेदवारले चुनाव जितेपछि जलेश्वरमा बिहानैदेखि हजाराँै रुपैयाँको माला बिक्री भएको स्थानीय मालीहरुले बताएका छन् ।
मतगणना परिणामपछि उम्मेदवारका कार्यकर्ता, समर्थक र शुभचिन्तकहरुले सयपत्रीका ठूला साना फक्रेका फूलले उनीएका माला लगाउँदै उम्मेदवारहरुलाई बधाई दिएका छन् । मतगणना परिणामपछि जलेश्वर–५ मा भरतपुर–३ बाट ७०० सयपत्रीका माला लिएर आएका रामस्नेही भण्डारी (माली) ले सबै माला हेर्दाहेर्दै बिक्री भएको बताए ।
