- शनिबार, २७ वैशाख, २०८२
जाजरकोट, २८ कात्तिक–प्रहरीले जाजरकोटको खलंगाबाट ६ थान थ्री नट थ्री राईफल र एके फोर्टी सेभेन राइफलमा प्रयोग हुने ३ सय ८५ राउण्ड गोली बरामद गरेको छ । खलंगा–८ को रानीवनमा लुकाई राखेको अवस्थामा सो हतियार बरामद भएको हो ।
विशेष सूचनाको आधारमा जंगलमा छापा मार्दा खाल्डोमा प्लाष्टिकले बेरेर राखेको अवस्थामा हतियार फेला पारिएको प्रहरीले जनाएको छ । हतियारमा खिया लागेको जनाईएको छ ।
केहीसमय अघि पनि त्यही ठाउँबाट प्रहरीले एक थान टुइन्च मोर्टार सहित ४४ थान हतियार बरामद गरेको थियो ।
