- सोमबार, २९ पुष, २०८१
दुबइ, २६ कात्तिक–मध्यपूर्व, उत्तर अमेरिका, अफगानिस्तान तथा पाकिस्तान (मेनाप) क्षेत्रमा लैङ्गिक बिभेद कम गर्नसके एक दशकमा कूल गार्हस्थ उत्पादन एक हजार अर्ब अमेरिकी डलर बराबर बढाउन सकिने अन्तर्राष्ट्रिय मुद्रा कोषले बताएको छ । कोषको क्षेत्रीय आर्थिक परिदृष्य मंगलवार सार्वजनिक गर्ने क्रममा त्यस्तो तथ्य आएको हो ।
लैङ्गिक बिभेदको अनेकौँ कारण भएको र त्यसमा सामाजिक, सांस्कृतिक, मान्यता तथा कानुनी वाधा भएको कोषको प्रतिवेदनमा उल्लेख छ । महिलाको शिक्षामा सहभागिता, काम गर्ने आमाबाबुलाई सुविधा, वेतनमा लैङ्गिक समानता तथा महिलालाई रोजगारीमा समान अवसर र उनीहरूको आवागमनलाई सहयोग गरी नीतिमा परिवर्तन गर्नसकिने पनि प्रतिवदेनमा उल्लेख छ ।
प्रतिवेदनमा सन् २००० देखि २०११ सम्म मानवीय संसाधानमा लैङ्गिक बिभेद ट्युनिसियामा ४५ प्रतिशत र अफगानिस्तानमा ६५ प्रतिशत रहेको उल्लेख गरिएको छ ।
कोषका मध्यपूर्व तथा मध्यएसियाका लागि निर्देशक मसुद अहमदले यस क्षेत्रमा लैङ्गिक बिभेद उदाउँदा बजार मुलुक समग्रको तुलनामा तीनगुणा अधिक रहेको बताए । उनले यस्तो भिन्नता दुईगुणामा घटाउन सकिए एक दशकमा कूल गार्हस्थ उत्पादन एक हजार अर्बले बढाउन सकिने बताए । उनले यस क्षेत्रको पूर्ण सम्भावनालाई उपयोग गर्न महिलालाई मानव संसाधानको रूपमा बढ्दो रूपमा उपयोग गर्नुपर्नेमा जोड दिए । रासस/एएफपी
