- बुधबार, १२ वैशाख, २०८१
धुन्चे, २६ कात्तिक– नेकपा–माओवादी नेतृत्वको ३३ दलीय मोर्चाले निर्वाचन बिथोल्न गरेको यातायात बन्दले दाहसंस्कार समेत बिथोलेको छ ।
आफ्ना पिताको निधन हुँदा समेत बन्दका कारण निर्वाचन कार्यालयका एक कर्मचारी घर जान सकेका छैनन् । महोत्तरी घर भएका बिमलेसकुमार सिंहको पिताको सोमबार राति मृत्यु भएको खबर आए पनि यातायात बन्दका कारण घर जान नसकेका हुन् ।
उनी घर जान नसक्दा उनका पिताको दाहसंस्कार तथा काजक्रिया हुन सकेको छैन । सिंह मुख्य निर्वाचन अधिकृतको कार्यालय रसुवामा कार्यरत कार्यालय सहयोगी हुन् ।
