प्रचारमा गएको ट्रयाक्टर पल्टँदा २० घाइते

बाजुरा, २१ कात्तिक–नेकपा (एमाले) बाजुराले सञ्चालन गरेको चुनावी अभियानअन्तर्गत फालासैनको आमसभामा जाँदै गरेको से१त ९७१४ नम्बरको ट्रयाक्टर दुर्घटना हुँदा त्यसमा सवार २० जना एमाले कार्यकर्ता घाइते भएका छन् । त्यसमध्ये दुईजना सख्त घाइते भएको बताइएको छ ।
बाजुरा जिल्लाको बारबिर गाविसको बेतालमाडौँ बजारबाट कुल्देवमाडौँ गाविसको फालासैनमा आउँदै गर्दा बार्जुगाड खोलामा दुर्घटना भएको जिल्ला प्रहरी कार्यालय बाजुराका प्रवक्ता हिक्मत बोहोराले जानकारी दिए । बाटो राम्रो नभएका कारण ट्रयाक्टर मोडमा नमोडी खोलामा खसेको हो । रासस