- बुधबार, १२ वैशाख, २०८१
निजगढ, १७ कात्तिक–बाराको डुमरवानामा भारतीय नम्बर प्लेटको जीप र ट्याक्टर आपसमा ठोक्किदा एकजनाको मृत्यु भएको छ । अन्य तीनजना घाइते भएका छन् ।
डुमरवानाको सोह्रकिलो भन्ने स्थानमा ना ४ त ५७५७ नम्वरको ट्याक्टरसँग गएराती साढे १० बजे ठोक्किएर भारतीय जीपमा सवार बारा सिमराका कृषि अधिकारीको मृत्यु भएको हो । उनको उपचारको क्रममा नारायणी उपक्षेत्रीय अस्पताल वीरगन्जमा मृत्यु भएको प्रहरीले जनाएको छ ।
दुर्घटनामा घाइते भएकामध्ये सिमराका ३६ वर्षीय दिलीप नेपालको अवस्था गम्भीर छ । घाईतेहरु सबैको नारायणी उपक्षेत्रीय अस्पताल वीरगन्जमा उपचार भईरहेको छ ।
दुबै सवारी साधन र ट्याक्टर चालकलाई ईलाका प्रहरी कार्यालय निजगढले नियन्त्रणमा लिएको छ ।
