- बिहीबार, १३ वैशाख, २०८१
तानसेन, १५ कात्तिक– नेपाल मजदुर किसान पार्टीका अध्यक्ष नारायणमान बिजुक्छेले राष्ट्रपतीय शासन प्रणाली लागू भए देशमा स्थिर सरकार हुन बताएका छन् । स्थिर सरकार भएको अवस्थामा नेपालको छिट्टै विकास हुने उनको दाबी थियो ।
भूगोल र प्राकृतिक स्रोत साधनका आधारमा मात्र राज्यको पुनःसंरचना गरिनुपर्ने उहाँले बताउँदै जातजातिको आधारमा मात्र राज्यको पुनःसंरचना गरिए राज्यमा सङ्कट उत्पन्न हुने उनको भनाई छ । पाल्पाको तानसेनमा पत्रकार सम्मेलनमा अध्यक्ष बिजुक्छेले निर्वाचनबाट भाग्न खोज्नु जायज नभएको उल्लेख गर्दै आगामी निर्वाचनले पुँजीवादी नेतृत्व र शासन व्यवस्थाको अन्त्य हुने ठोकुवा गरे ।
स्थानीय निकायलाई स्वायत्त र विकेन्द्रीकरणको अधिकार प्रदान गरिनुपर्ने उनले बताए । निर्वाचनको समयमा देशमा छिटफुट घटना हुनु सामान्य विषय भएको भन्दै बिजुक्छेले निर्वाचन भएरै छाड्ने उल्लेख गरे । रासस
