- शुक्रबार, ७ वैशाख, २०८१
काठमाण्डु, ६ कात्तिक– गुण्डागर्दीको आडमा अकुत सम्पत्ति कमाएको आरोपमा थुनामा रहेका दिपक मनाङ्गे अदालतले मागेको दुई करोड ९० लाख धरौटी बुझाएर रिहा भएका छन् ।
मनाङ्गे बुधबार विशेष अदालतमा सुन्दरीजलमा रहेको १८ रोपनी १५ आना जग्गा धरौटी राखेर रिहा भएका हुन् । उनलाई गत भदौ चार गते अदालतले मागेको धरौटी बुझाउन नसक्दा जेल चलान गरिएको थियो । सम्पत्ति शुद्धीकरण विभागले मनाङ्गेलाई १४ करोड ७३ लाख ३१ हजार सम्पत्तिको स्रोत नखुलेको दाबी गर्दै विशेष अदालतमा मुद्धा दायर गरेको थियो ।
उनलाई अकुत सम्पत्ति कमाउन सहयोग गरेको दाबीसहित मनाङ्गे 
की श्रीमती पासाङ् टोमा गुरुङ्लाई समेत अदालतमा मुद्धा दायर गरिएको थियो । उनी अदालतले मागेको दुई लाख ५० हजार धरौटी बुझाएर यसअघि नै रिहा भएकी थिइन् ।
