- मंगलबार, ११ चैत, २०८१
काठमाण्डु १४ कात्तिक–संघीय समाजवादी पार्टीले नेपालीसहित विभिन्न ७ भाषामा चुनावी पर्चा तथा पोस्टर तयार पारेर चुनाव प्रचारप्रसारलाई तीव्रता दिएको छ । संघीय समाजवादी फरक–फरक भाषामा पर्चा छाप्ने पहिलो पार्टी हो । अन्य दलहरुले नेपाली भाषामा मात्र पर्चा छापेका छन् ।
मुख्य भाषा नेपाली, बाहिङ, तामाङ, मगर, सुनवार, शेर्पा र बाम्बुले गरी सात भाषामा पर्चा तयार गरिएको संघीय समाजवादीले जनाएको छ । छरिएर रहेका जातजातिका विभिन्न भाषाको संरक्षण गर्न र मातृभाषामा पर्चा पढ्न सजिलो होस् भनेर विभिन्न भाषामा पर्चा प्रकाशन गरिएको सो पार्टीको भनाइ छ ।
