- शुक्रबार, ७ वैशाख, २०८१
रसुवा, १० कात्तिक । लहरेपौवा गाविसको पहिरेबेसीबाट धान बोकेर बनुवातर्फ आउँदै गरेको मिनीट्रक शनिबार साँझ खाल्टेमा दुर्घटना हुँदा घाइते भएका ११ जनामध्ये एकजनाको मृत्यु भएको छ ।
जिल्ला प्रहरी कार्यालय रसुवाका अनुसार मृत्यु हुनेमा लहरेपौवा–३ का १८ वर्षीय सुदीप आचार्य रहेका छन् । आचार्यको गएराति उपचारका क्रममा काठमाडौंस्थित न्यू स्टार अस्पतालमा मृत्यु भएको हो । चालकसहित घाइते अन्य १० जनामध्ये तीन जनाको शिक्षण अस्पताल महाराजगन्ज र सात जनाको बी एन्ड बी अस्पताल ग्वार्कोमा उपचार भइरहेको बताइएको छ ।
दिनभर खेतमा धान काटेर सबै जना सो मिनीट्रकमा बसेर आइरहेका बेला धुन्चेबाट करिब ४० किमि दक्षिणमा पर्ने सो स्थानमा दुर्घटनाग्रस्त भएको थियो । रासस
