- बुधबार, १८ असार, २०८२
चितवन, १९ मंसिर– चितवनका एक विद्यालयका प्रधानाध्यापक जागिर छाडेर मानिसको पिसाब व्यापारमा लागेका छन् ।
दारेचोकस्थित माझगाउँ माध्यमिक विद्यालयका प्रधानाध्यापक श्रीरेन्द्र पोख्रेल जागिर छाडेर पिसाब व्यापारमा लागेका हुन् ।
उनले ६ वर्षअघि ढल विभागका कर्मचारीले दिएको प्रशिक्षणका क्रममा पिशाबको महत्व बुझेपछि उक्त व्यवसायप्रति आकर्षित भएको बताए । उनकै सक्रियतामा दारेचोकमा ७ सय ५० बढी पिशाब संकलन गर्ने इकोशान चर्पी बनेका छन् ।
संकलित पिशाब खेतबारीमा प्रयोग गरेपछि बाली सप्रिएकामा किसान दंग छन् । पोखरेल कतै सभासमारोह छ वा मानिसहरुको जमघट हुँदैछ भन्ने थापा पाउनेबित्तिकै जर्किन बोकेर पिसाब संकलन गर्न पुगिहाल्छन् ।
उनले एमाओवादीको गोरखा पालुङटारमा भएको विस्तारित बैठक र चितवन महोत्सबमा ठूलो परिमाणमा पिसाब संकलन गरेर गाउँलेलाई बाँडे । आफूलाई मानिसहरुले पिसाब मास्टर भन्ने गरेको उनी बताउँछन् ।
तर त्यसमा दुःखभन्दा सुखी बढी लाग्ने गरेको पोखरेलले बताए ।
