- शुक्रबार, १९ असार, २०८३
काठमाण्डु, १८ मंसिर– संवैधानिक तथा राजनीतिक सहमति संवाद समितिका सभापतिलाई स्वविवेक प्रयोग गर्न दिएको भनिएपछि आज बिहान प्रधानमन्त्री निवास बालुवाटारमा बसेको बैठक बिना निष्कर्ष टुंगिएको छ । प्रधानमन्त्रीको उपस्थितिमा बसेको संवाद समितिको बैठकमा सभामुख सुवास नेम्वाङ र एमाले अध्यक्ष केपी शर्मा ओली इलाम जानुपर्ने भएकाले निष्कर्षमा नपुग्दै उठेको बताइएको छ ।
संवाद समितिका सभापति डा. भट्टराईलाई आफ्नो विवेकले प्रतिवेदन संविधान सभामा पठाउन भनिए पनि उनले दलहरुका सुझावलाई अनुसूचीमा राख्ने कि तपसिलमा राख्ने भन्ने विषयमा कुनै निर्णय लिएका छैनन् । कांग्रेस–एमालेले आफूहरुको प्रस्तावलाई तपसिलमा नभएर अनुसूचीमा राख्नुपर्ने माग गर्दै आएका छन् ।
कांग्रेस–एमालेले जस्तै मधेसी जनअधिकार फोरम नेपालले पनि नौ प्रदेशको बेग्लै प्रस्ताव संवाद समितिमा दर्ता गराएको छ ।
संवाद समितिका तर्फबाट प्रतिवेदन पठाउने सम्बन्धमा हिजोको बैठकले सभापतिलाई स्वविवेक प्रयोग गर्न भनेको थियो ।
