सिन्धुलीमा चट्याङ लागेर एकको मृत्यु

काठमाण्डू, २७ वैशाख– सिन्धुलीमा शनिबार साँझ चट्याङ लागेर एकको मृत्यु भएको छ । मृत्यु हुनेमा सिन्धुलीको दुधौली नगरपालिका–४ पाखाभित्ता बस्ने वर्ष ७० को पूर्णबहादुर बुढाथोकी रहेको जिल्ला प्रहरी प्रमुख लालध्वज सुवेदीले जानकारी दिएका छन ।

मकै बारीमा घाँस काट्न गएका बुढाथोकी बोल्न नसक्ने गरी ढलिरहेको अवस्थामा फेला परेका थिए । इलाका प्रहरी कार्यालय डकाहाबाट खटिएको प्रहरी टोलीले घाइते अवस्थामा उद्धार गरी उपचारको लागि नगर अस्पताल सिर्थौली पठाएकोमा अस्पतालको चिकित्सकले मृत्यु घोषणा गरेका थिए ।