- शनिबार, १४ असार, २०८२
काठमाण्डू, १४ असार– सिन्धुपाल्चोकको मेलम्ची नगरपालिका–१० स्थित मेलम्ची–भोताङ सडक खण्डमा बस दुर्घटना भएको छ ।
भोताङबाट मेलम्चीतर्फ आउँदै गरेको नाप्र३०–००५ख९९७६ नम्बरको बस शनिबार अपराह्न १ बजेतिर सडकबाट इन्द्रावती नदी किनारमा खसेको हो ।
दुर्घटनामा चालकसहित ८ यात्रु घाइते भएका सिन्धुपाल्चोक प्रहरीले जनाएको छ । सिन्धुपाल्चोक प्रहरीका सूचना अधिकारी डिएसपी माधवराज खरेलका अनुसार बसको अगाडिको पट्टा भाँचिएपछि अनियन्त्रित भएर सडकबाट झन्डै ५० मिटर तल इन्द्रावती खोला किनारमा खसेको हो ।
यात्रुहरूलाई तत्काल उद्धार गरी उपचारका लागि मेलम्ची नगर अस्पताल लगिएको छ । घाइते सबैको अवस्था सामान्य छ ।
