- बिहीबार, १५ जेठ, २०८२
काठमाण्डू, १३ जेठ- एमाले युवा संघको १०औं महाधिवेशनबाट क्षितिज थेबे दोस्रो कार्यकालका लागि अध्यक्षमा निर्वाचित भएका छन् ।
प्रतिस्पर्धी सुमन पुरीलाई १ सय ८८ मतान्तरले पराजित गर्दै थेबे मंगलबार अध्यक्षमा निर्वाचित भएका हुन् । थेबेले ७ सय ९६ मत प्राप्त गर्दा पुरीले ६०८ मत पाएका छन् ।
पुरी यसअघि महासचिव थिए । इलेक्ट्रिक भोटिङ मेसिनमार्फत भएको निर्वाचनमा कूल १ हजार ७ सय ६५ प्रतिनिधिमध्ये १ हजार ४ सय ४ जना मतदानमा सहभागी थिए ।
अन्य पदाधिकारीमा पनि अधिकांश थेबे प्यालनबाटै निर्वाचित भएका छन् ।
उपाध्यक्षमा महाराजा गुरूङ र विनय शाही, महासचिवमा महेश चौलागाईं, उपमहासचिवमा उपेन्द्र शाही, खुला सचिवमा मदन भण्डारी र देवु बस्नेत, महिला सचिवमा निशा लिम्बू र मधेशी सचिवमा मोबिन आलम निर्वाचित भए ।
