- सोमबार, १६ असार, २०८२
काठमाण्डू, १३ जेठ– विपक्षी दलले गृहमन्त्री रमेश लेखकको राजीनामा मागेर अवरुद्ध गरेपछि संसद बैठक स्थगित भएको छ ।
सभामुख देवराज घिमिरेले आधा घण्टाका लागि बैठक स्थगन गरेका हुन् । संसद बैठक सुरु हुनेबित्तिकै माओवादी केन्द्र, रास्वपा, राप्रपा, एकीकृत समाजवादीसहित प्रतिपक्षी दलका सांसदले उठेर बैठक खवरुद्ध गरेका थिए ।
स्थगन हुनुअघि संसद बैठकमा बोल्दै माओवादी सांसद वर्षमान पुन अनन्त र रास्वपा सांसद शिशिर खनालले गृहमन्त्रीले राजीनामा नदिएसम्म बैठक चल्न नसक्ने बताएका थिए ।
दैनिक कम्तिमा ५० लाख रुपैयाँ उठाएर मानिसहरुलाई पर्यटक भिसाका नाममा विदेश पठाउने गरेको विषयमा अख्तियार दुरुपयोग अनुसन्धान आयोगले छानबिन अगाडि बढाएपछि गृहमन्त्री लेखक विवादमा मुछिएका छन् ।
उनकै सचिवालयका व्यक्तिहरुको समेत उक्त प्रकरणमा संलग्नता देखिएको छ ।
