- शुक्रबार, २ जेठ, २०८२
काठमाण्डु, १० भदौ – इंगसिल प्रिमियर लिग अन्तर्गत सोमबार रातीको खेलमा साविक विजेता म्यानचेष्टर सिटीले लिभरपुललाई १ का विरुद्ध ३ गोलले पराजित गरेको छ ।
सिटीको घरेलु मैदान इत्तेहाद स्टेडियममा भएको खेलमा सिटीका स्टेभन जेभोटिकले दुई तथा सर्जियो अग्युरोले १ गोल गरे । लिभरपुलले भने एउटा आत्मघाती गोल उपहार पायो ।
खेलको सुरुदेखि नै हावी देखिएको सिटीका लागि जेभोटिकले ४१ र ५५ औं मिनेटमा गोल गरे भने अग्युरोले ६९ औं मिनेटमा गोल थपे । सिटीका पाब्लो जाभालेटाले ८३ औं आत्माघाती गोल गरेका थिए । यो सिजनमा सुरुको लगातार दुई खेल जितेको सिटीले ६ अंक जोडेको छ भने गत वर्षको लिग उपविजेता लिभरपुलले एक खेलमात्र जितेको छ ।
स्ट्राइकर लुइस सुआरेजको वार्सिलोना ट्रान्सफर र नयाँ अनुबन्धित स्ट्राइकर मारियो बालेटोली खेलमा नआइसकेकाले लिभरपुलको यो सिजन त्यति दमदार हुन सकेको छैन ।
