- शुक्रबार, २ जेठ, २०८२
काठमाण्डु, ९ भदौ–लिओनल मेस्सीको दुई गोलको मद्धतमा ला लिगामा बार्सिलोनाले विजयी सुरुवात गरेको छ ।
आइतबार राति भएको ला लिगाको आफ्नो पहिलो खेलमा इल्चेलाई ३–० गोल अन्तरले हराउँदै बार्सिलोनाले विजयी यात्रा सुरु गरेको हो ।
घरेलु मैदान नाउ मैदनमा भएको खेलमा ४२ औं मिनेटमा मेस्सीले बार्सिलोनाका लागि पहिलो गोल गरेका थिए ।
उनले इल्चेका ६ डिफेण्डरको बीचबाट उत्कृष्ट गोल गरेका थिए ।
दोस्रो हातको सुरुमै मुनिरले गोल गर्दै बार्सिलोनाको अग्रता दोब्बर पारे । खेलको ६३ औं मिनेटमा मेस्सीले व्यक्तिगत दोस्रो गोल गरेपछि बार्सिलोनाले ३–० को अग्रता लियो ।
कालो बिरालो मैदान प्रवेश गरेका कारण खेल निर्धारित समयभन्दा केही ढिला सुरु भएको थियो ।
