- बिहीबार, ७ साउन, २०८३
बागलुङ, १८ असोज– पूर्वराजा ज्ञानेन्द्र शाहले विजया दशमीका दिन सर्वसाधारणलाई टीका लगाइदिने भएका छन् ।
पूर्वराजाले निर्मला निवासमा टीका लगाइदिने उनको सचिवालयले जनाएको छ ।
पूर्वराजाको संवाद सचिवालयले एक सूचना जारी गर्दै शुभेच्छुक तथा सर्वसाधारणलाई दशैंको दिन अपरान्ह ४ बजे टीका लगाउने तय जनाएको छ ।
संवाद सचिवालयका सचिव फणिन्द्र पाठकले जारी गरेको विज्ञप्तिमा पूर्वराजा शाह र उनकी पत्न कोमल शाहले टीका लगाइदिने उल्लेख छ ।
पूर्वराजा शाह हाल पत्नीसहित भुटान भ्रमणमा छन । उनी आइतबार स्वदेश फर्किने तयारी छ ।
