- बिहीबार, ७ साउन, २०८३
काठमाण्डु, १५ असोज– हिजो सोमबारमात्रै त्रिभुवन अन्तर्राष्ट्रिय विमानस्थलबाट ५५९ उडान तथा अवतरण भएका छन । आन्तरिकतर्फ हेलिकप्टरसहित २२७ उडान र २२१ अवतरण भएको विमानस्थल कार्यालयले स्रोतले जानकारी दिएको छ ।
अन्तर्राष्ट्रियतर्फ ५६ अवतरण र ५५ उडान भएको विमानस्थल कार्यालयले स्रोतले जानकारी दिएको छ । आज मंगलबारका लागि आन्तरिकतर्फ हेलिकप्टर बाहेक १६९ अवतरण र १७२ उडान तालिका तय गरिएको छ ।
अन्तर्राष्ट्रियमा ५८ उडान र ५७ अवतरण हुने बताइएको छ । वर्षाले गर्दा अधिकांश राजमार्ग अवरुद्ध भएकाले यात्रुले हवाई उडान रोजेका छन् ।
यसले गर्दा आन्तरिक उडानका लागि बिहीबारसम्मका टिकट लगभग बिक्री भएको एयरलाइन्स कम्पनीहरूले जानकारी दिएका छन । सबै गन्तव्यका उडान पूर्ण क्षमतामा भइरहेको बुध्द एयरका सूचना अधिकारी दीपेन्द्र कर्णले जानकारी दिएका छन ।
