- बिहीबार, ७ साउन, २०८३
काठमाण्डु, १४ असोज– कांग्रेसले संसदीय दलको बैठक बोलाएको छ । राज्यव्यवस्था तथा सुशासन समिति सभापति समेत रहेका सांसद रामहरि खतिवडाले दिएको जानकारी अनुसार बैठक मङ्गलवार दिउँसो २ बजेका लागि बोलाइएको हो ।
बैठक वानेश्वरस्थित संघीय संसद्को ल्होत्से हलमा बस्ने उनले जानकारी दिएका छन । बैठकमा बाढी पहिरो लगायत जनताले भोग्नुपरेको विपत्ति‚ सरकारको राहत कोषमा सांसदहरूले पन्ध्र दिनको तलब दिने लगायत विषयमा छलफल हुने उनले जानकारी दिएका छन ।
उनले भने, ‘समसामयिक विषयमा छलफल गर्न बैठक बोलाइएको हो ।’
