- बिहीबार, ७ साउन, २०८३
कञ्चनपुर, १३ असोज– कञ्चनपुरमा जंगली हात्तीको आक्रमणबाट एक जनाको ज्यान गएको छ ।
लालझाडी गाउँपालिका–४ डाँडाजाईका ५० वर्षीय रामदल रानाको हात्ती आक्रमणमा मृत्यु भएको प्रहरीले जनाएको छ ।
कञ्चपुर प्रहरीका डिएसपी उमेश जोशीका अनुसार राति गाउँमा आएको हात्ती गाउँलेले खेदेका थिए ।
गाउँलेले खेद्दै गरेको हात्तीले रानालाई आक्रमण गरेको जोशीले बताए । हात्ती लखेट्ने क्रममा भएको भागदौडका बीचमा उनी हात्ती आक्रमणमा परेको स्थानीयले जनएका छन् ।
राति बेपत्ता भएका राना बिहान मृत फेला परेपछि गाउँलेले प्रहरीमा खबर गरेका थिए ।
