- बुधबार, १ जेठ, २०८२
काठमाण्डु, ३ फागुन– आईसीसी क्रिकेट विश्वकप लिग २ अन्तर्गत नेपालसँगको खेलमा जितका लागि १३३ रनको लक्ष्य पछ्याएको नामिबियाको दोस्रो विकेट पतन भएको छ ।
दुवै विकेट नेपलका ललित राजवंशीले लिएका हुन् । माइकल भान लिंगेन चौधौं ओभरको पहिलो बलमा लङअनमा अनिल साहबाट क्याच आउट भएका हुन् । उनी आउट हुँदा नामिबियाले ५४ रन बनाउन सपल भएको छ ।
उनले सन् २०२२ डिसेम्बरमा विन्डहोकमा १२१ र २०२३ फेब्रुअरीमा त्रिवि क्रिकेट मैदानमा १३३ रन बनाउँदै नेपालविरुद्ध लगातार दुई शतक प्रहार गरेका थिए ।
यसअघि ललितले नामिबियाका अर्का ओपनर निको डाभिनलाई कुशल भुर्तेलको हातबाट क्याच आउट गराउँदै नेपाललाई पहिलो सफलता दिलाएका थिए । त्रिवि क्रिकेट मैदान कीर्तिपुरमा टस हारेर पहिला ब्याटिङ गरेको नेपाल ४१.५ ओभरमा १३२ रन बनाएर अल आउट भएको थियो ।
