- मंगलबार, २४ असार, २०८२
काठमाण्डु, १७ असार-हिजो बिहानै देखि संखुवासभामा तनाव सुरु भएको छ । विप्लव नेतृत्वको नेपाल कम्युनिस्ट पार्टीले केपी ओली सरकार तीब्र दमनमा लागेको भन्दै शक्तिशाली प्रतिरोध गर्ने घोषणा गरेको छ । एक विज्ञप्ति निकालेर प्रवक्ता प्रकाण्डले देशैभर ओली सरकारले राज्य आ८तंक मच्चाएको भन्दै पार्टीमाथिको दमन नरोके शक्तिशाली प्रतिरोध गर्ने चेतावनी दिएका हुन । संखुवासभा जिल्लामा जनताको घरमा बसिरहेका पार्टी कार्यकर्तामाथि प्रहरीले तीब्र दमन गरेको भन्दै दमन नरोके प्रतिकार सुरु गर्ने प्रवक्ता प्रकाण्डले विज्ञप्तिमार्फत जानकारी दिएका छन् । संखुवासभा जिल्लाको सिलिचुङ १ मा सोमबार प्रहरी र विप्लव पार्टीका कार्यकर्ता्बिच दोहोरो गो८ली हानाहान भएपछि सरकारले दुईवटा हेलिकप्टर मार्फत ५० भन्दा बढी प्रहरी परिचालन गरेपछि पार्टीले यस्तो प्रतिकृया दिएको हो ।शान्तिपूर्ण राजनीतिक कार्यक्रमकालागि जनताको घरमा बास बसिरहेका आफ्ना नेता-कार्यकर्तामाथि सरकारले प्रहरी परिचालन गरी तीव्र द८मन गरेको भन्दै नेकपाले घटनाको निन्दा र भर्त्सना पनि गरेका छन् । विज्ञप्तिमा भनिएको छ, एकातिर शान्ति र लोकतन्त्रका कुरा गर्ने तर अर्कातिर शान्तिपूर्ण राजनीतिक कार्यक्रममा हिँडेका नेकपाका नेता-कार्यकर्तालाई दमन गर्ने, गोली प्रहार गर्ने, समातेर हत्या गर्ने ओली-बादल मण्डली सरकारको दमन कार्य निन्दनीय छ । ’ दमन नरोके शक्तिशाली प्रतिरोध गर्ने चेतावनी दिदैँ विज्ञप्तिमा भनिएको छ, त्यसबाट उत्पन्न परिस्थितिको जिम्मेवार यही ओली-बादल सरकार हुनेछ ।’ अहिले त्यस क्षेत्रका जनतामा एक प्रकारको डर देखिएको छ ।
