- सोमबार, २९ वैशाख, २०८२
काठमाण्डु, २७ चैत –च्याम्पियन्स लिग फुटबल प्रतियोगितामा बार्सिलोना क्वाटरफईनलबाट बाहिरिएको छ
। एथ्लेटिको मड्रिडसंग १–० गोल अन्तरले पराजित हुदै बार्सिलोना बाहिरिएको हो भने एथ्लेटिको सेमिफाइनलमा प्रवेश गरेको छ ।
एथ्लेटिको मड्रिड सन् १९७४ पछि पहिलो पटक च्याम्पियन्स लिगको अन्तिम चारमा पुगेको हो भने बार्सिलोना सन् २००७ पछि पहिलो पटक क्वाटरफाइनलबाटै बाहिरिएको हो ।
घरेलु मैदानमा भएको खेलमा एथ्लेटिकोका लागि कोकेले पाँचौ मिनेटमै गरेको गोलले टिमलाई जित दिलाएको हो ।
यस्तै गएराति नै भएको अर्को खेलमा डिफेण्डिङ च्याम्पियन बार्यन म्युनिखले म्यानचेष्टर युनाइटेडलाई ३–१ गोल अन्तरले पराजित गरेको छ ।
बार्यनको घरेलु मैदानमा भएको खेलमा युनाइटेडका इभ्राले ५७ औं मिनेटमा गोल गर्दै टिमलाई अग्रता दिलाएका थिए ।
तर खेलको ५९ औं मिनेटमा बार्यन म्युनिखका लागि मारियो मान्जुकिजले बराबरी गोल फर्काए ।
६८ औं मिनेटमा थोमस मुलरले गोल गरे भने ७६ औं मिनेटमा रोविनले गोल गरेपपछि बार्यन म्युनिख ३–१ ले विजयी भएको थियो ।
