- आइतबार, २८ वैशाख, २०८२
चट्गाउँ, २ चैत – नेपाली राष्ट्रिय क्रिकेट टिमका कप्तान पारस खड्काले आफूहरु बंगलादेशको चुनौती सामना गर्न तयार रहेको बताएका छन् ।
घरेलु टिमसँगको खेलको अघिल्लो दिन चट्गाउँमा भएको ‘प्रि म्याच कन्फ्रेन्स’मा बोल्दै पासले सक्दो राम्रो खेल्ने बताए ।
टेष्ट मान्यता प्राप्त राष्ट्रहरुसँग प्रतिस्पर्धा गर्ने अवसर हतपत नपाउने भन्दै उनले यो आफूहरुका लागि राम्रो अवसर भएको बताए ।
खेलको नतिजाबारे सोच्नु भन्दा पनि राम्रो खेल्नेतर्फ ध्यान दिने उनको भनाइ छ । सबैले आफ्नो तर्फबाट राम्रो गर्ने हो भने बंगलादेशसँगको खेल जित्न सम्भव रहेको उनको भनाइ छ ।
नेपालले मंगलबार चट्गाउँमा घरेलु टिम बंगलादेशको सामना गर्दैछ । खेल नेपाली समयअनुसार साँझ सवा ७ बजेबाट सुरु हुनेछ ।
