- मंगलबार, १८ वैशाख, २०८१
काठमाण्डु, २४ फागुन – एमाओवादी राज्य तथा जिल्ला संयोजकहरुको भेला सम्पन्न भएको छ ।
राजधानीमा शुक्रबार र शनिबार चलेको भेला त्यसक्रममा आएका लिखित र मौखिक सुझावअनुसार केन्द्रीय संगठन विभागले आवश्यक निर्देश गर्ने निर्णयका साथ सम्पन्न भएको हो ।
साथै भेलाले जिल्लास्तरबाट आएको सुझावका आधारमा अघि बढ्ने निर्णयसमेत गरेको छ ।
बैठकमा बोल्ने नेताहरुले पार्टी सदस्यता नविकरणको समय थप्नु पर्ने माग गरेका थिए । यस्तै केहीले आगामी वैशाख १८ गते हुने सम्मेलनका लागि प्रतिनिधिहरुको संख्या ठोस गर्नुपर्ने मागसमेत गरेका थिए ।
सो अवसरमा विधान संसोधनका विषयमा भने कुरा नभएको एमाओवादी ओखलढुंगाका संयोजक बाबुराम गौतमले जानकारी दिए । दुई दिने कार्यशालाको अध्यक्षता एमाओवादी नेता पोष्टबहादुर बोगटीले गरेका थिए ।
यसअघि शुक्रबार भेलामा अध्यक्ष पुष्पकमल दाहाल प्रचण्डले समेत सम्बोधन गरेका थिए ।
संगठनात्मक सम्मेलनका लागि पार्टी संगठन विभागले बनाएको कार्यबिधिका विषयमा जिल्ला तहमा एकरुपता ल्याउन दुई दिने भेला बोलाइएको हो ।
