- शुक्रबार, ८ साउन, २०८३
काठमाण्डू, २८ वैशाख– श्रम संस्कृति पार्टीका अध्यक्ष तथा संसदीय दलका नेता हर्कराज राई (हर्क साम्पाङ)ले लिपुलेकलाई नाकाको रुपमा भारत सरकारले प्रयोग गर्दा नेपाल सरकार लुकेर बसेको भन्दै टिप्पणी गरेका छन ।
आज (सोमबार) बसेको प्रतिनिधि सभाको बैठकमा बोल्दै सांसद साम्पाङले यस्तो बताएका हुन । उनले लिपुलेकमा भारतले नाका खोलेर चलाइराख्दा किन मौन छ यो सरकार ? किन कुटनीतिक वार्ता गर्न सकेन ? हस्ताक्षरबिना कूटनीतिक नोटको भरमा किन लुकेर बसेको छ यो सरकार ?’ साम्पाङको प्रश्न छ ।
नेपाली सेनालाई सीमा सुरक्षामा पठायो कि सुमुम्वासी बस्तीमा पठायो भन्ने पनि उनको प्रश्न छ । सीमा बचाउन नसक्ने तर जनताको गरिब बस्तीमा पठाएर आतंक फैकलाउनुको कारण के हो ?
भनेर उनले जवाफ मागे । सरकार असफल भइसकेको पनि आफूहरूको बुझाइ रहेको समेत बताएका छन । नागरिकको आवासको हक सरकारले नै उल्लंघन गरेको समेत बताएका छन । उनले संसद छलेर अध्यादेश ल्याउने प्रवृतिको पनि विरोध गरेका छन । उनले भने, ‘यो सरकारलाई लोकतन्त्रको याद दिलाउनुपर्ने भयो ।’
‘नागरिक सर्वोच्चतालाई संसदको सर्वोच्चताले स्थापित गर्दछ । यसकारण संसद् छल्नु भनेको जनमत नमान्नु हो, लोकतन्त्र नमान्नु हो । यो सरकारले विधि र थिति बसाउन किन सकेन ? सरकार आफैं लोकतन्त्रलाई कमजोर बनाउने दिशामा गयो ?’
