- शनिबार, ९ साउन, २०८३
bishकाठमाण्डू, ५ वैशाख– एमाले उपाध्यक्ष विष्णु पौडेले वाम एकताको हल्ला चलाइएकामा आपत्ति जनाएका छन् ।
शनिबार सामाजिक सञ्जाल फेसबुकमार्फत पौडेलले यथार्थबाट अन्यत्र ध्यान मोड्न वामपन्थी एकताको चर्चा चलाइएको बताएका हुन् ।
पछिल्लो समय अध्यक्ष केपी ओली नै वाम एकताको पक्षमा छन् ।
ओलीले केही दिनअघि मात्र नेकपा संयोजक पुष्पकमल दाहाल प्रचण्डलाई आफू उपचाररत त्रिवि शिक्षण अस्पताल बोलाएर नेकपाको एकता जोगाउन नसक्नु गल्ती भएको भन्दै फेरि मिलेर अघि बढ्न प्रस्ताव गरेका थिए ।
पौडेलको भनाइ अस्पतालबाट वाम एकताका लागि ओलीले गरिरहेको कसरततर्फ लक्षित छ ।
पौडेलले पर्दाभित्रबाट वामपन्थी एकताको असान्दर्भिक चर्चा चलाइएको टिप्पणी गरेका छन् । उनले एकता नभई पार्टी पुनर्गठनको आवाज बलियो बन्दै गएको बताए ।
‘यथार्थबाट अन्यत्र ध्यान मोड्ने गरी पर्दा भित्रबाट वामपन्थी एकताको असान्दर्भिक चर्चा कस्ले, किन चलाइरहेका हुन् ?’ पौडेलले प्रश्न गरे ।
