मन्त्रीहरू आफैँले सार्वजनिक गरेको सम्पत्ति विवरणले राज्यको कानुन आकर्षित गर्छः प्रवक्ता श्रेष्ठ

काठमाण्डू, ३० चैत– राष्ट्रिय प्रजातन्त्र पार्टी (राप्रपा)का प्रवक्ता मोहनकुमार श्रेष्ठले सरकारका मन्त्रीहरू आफैँले सार्वजनिक गरेको सम्पत्ति विवरणले राज्यको कानुन आकर्षित गरेको बताएका छन ।

साथै, उनले मन्त्रीहरूले कमाएको धनको आय र कर तिरेको विवरण पनि सार्वजनिक गर्नुपर्ने माग समेत गरेका छन । प्रवक्ता श्रेष्ठले भने, ‘मन्त्रीहरू आफैँले सार्वजनिक गरेको सम्पत्ति विवरणले राज्यको कानुन आकर्षित गरेको छ ।

धन कमाउन र धनी बन्न पाइन्छ तर आय र कर तिरेको विवरण पनि सार्वजनिक होस् ।’ बालेन्द्र सरकारका कतिपय मन्त्रीहरूका सम्पत्ति विवरणमा नगद, गरगहना, घरघडेरी, शेयर र अन्य लगानी औसत नेपालीको भन्दा धेरै माथि देखिएको जिकिर गर्दै यस्तो बताएका हुन्। उनले मन्त्रीका हदबन्दीभन्दा बढी जग्गाको विवरण स्वयंबाट सार्वजनिक भएको उल्लेख गरे ।

‘बालेन सरकारका कतिपय मन्त्रीहरूका सम्पत्ति विवरणमा नगद, गरगहना, घरघडेरी, शेयर र अन्य लगानी औसत नेपालीको भन्दा धेरै माथि देखियो, सामाजिक सञ्जालमा उनले भने, रोचक त कतिपय मन्त्रीका हदबन्दीभन्दा बढी जग्गाको विवरण स्वयंबाट सार्वजनिक भएको छ ।’