- शुक्रबार, १९ असार, २०८३
काठमाण्डू, १३ जेठ– देशभर हाल पश्चिमी वायु प्रणालीसँगै स्थानीय वायुले मौसममा प्रभाव पारिरहेको छ ।
यसका साथै बंगालको खाडी र अरब सागरबाट आएको भिजेको हावाले पनि आंशिक असर देखिएको छ ।
दिउँसो देशका पहाडी भेगहरूमा आंशिकदेखि सामान्य बदलीको अवस्था रहनेछ भने तराईका धेरैजसो ठाउँहरूमा मौसम खुल्ला वा आंशिक बदली हुने देखिएको छ ।
पर्वतीय भू–भागका केही स्थानमा र अन्यत्र एक–दुई ठाउँमा मेघगर्जन र चट्याङसहित हल्कादेखि मध्यम वर्षा हुनसक्ने अनुमान गरिएको छ ।
साथै, उच्च पहाडी र हिमाली भूगोलका सीमित स्थानहरूमा हल्का वर्षा वा हिमपात पनि हुनसक्ने सम्भावना छ ।
रातिको समयमा पनि मधेस, गण्डकी, कर्णाली र सुदूरपश्चिम प्रदेशलगायत पहाडी जिल्लाहरूमा आंशिकदेखि सामान्य बादल लाग्नेछ । बाँकी भू–भागमा मौसम सफा वा आंशिक बदली रहने विभागले जनाएको छ ।
केही पहाडी इलाकामा राति पनि गडगडाहटसहित वर्षा हुन सक्ने र हिमाली क्षेत्रमा हल्का हिमपातको सम्भावना कायमै छ ।
