- आइतबार, ११ जेठ, २०८२
काठमाण्डू, ११ जेठ– सत्ताको एमालेले सात दशक लामो बलिदानी सङ्घर्षको बलबाट प्राप्त भएको सङ्घीय लोकतान्त्रिक गणतन्त्र स्थापना भएको दिन जेठ १५ गतेलाई विशेष उत्सवका रूपमा मनाउन जनसमुदायलाई आह्वान गर्ने निर्णय गरेको छ ।
आज (आइतबार) बसेको एमाले सचिवालय बैठकले उक्त दिन उपत्यका बाहिर पार्टी कमिटीले पालिकास्तरमा विशेष कार्यक्रमहरू आयोजना गर्ने निर्णय गर्दै त्यसको तयारीमा जुट्न सबै मातहत कमिटीहरूलाई निर्देश गरेको प्रचार विभाग प्रमुख राजेन्द्र गौतमले जानकारी दिएका छन ।
‘काठमाण्डू उपत्यकाका हकमा उपत्यकाका पार्टी कमिटीहरूको आयोजनामा सांस्कृतिक झाँकीसहित जनउत्सव आयोजना गरिनेछ । उक्त उत्सवमा सक्रिय सहभागिताका लागि बैठकले हार्दिक आह्वान गरेको छ’, बैठकपछि गौतमले जारी गरेको विज्ञप्तिमा भनिएको छ ।
बैठक पार्टी अध्यक्ष समेत रहेका प्रधानमन्त्री केपी शर्मा ओलीले मुलुकको समसामयिक परिस्थिति र विकसित नेपाली राजनीतिक घटनाक्रमका बारेमा संक्षिप्त जानकारी गराएका थिए ।
