- शुक्रबार, १ साउन, २०८३
सिन्धुली, २ मंसिर- सिन्धुलीमा जंगली भालुको आक्रमणबाट एक वृद्धको मृत्यु भएको छ ।
मरिण गाउँपालिका-१ कात्तिकेका ७२ वर्षीय गोपिलाल घिसिङको भालुको आक्रमणबाट मृत्यु भएको सिन्धुली प्रहरी प्रमुख एसपी गोविन्दराज काफ्लेले जानकारी दिए ।
जंगलमा बाख्रा हराएपछि खोज्न गएका घिसिङलाई मरिण-१ कात्तिकेस्थित सिम्ले खोल्सीमा भालुले आक्रमण गरेको थियो ।
भालुले आक्रमण गर्दा उनको घटनास्थलमै मृत्यु भएको काफ्लेले बताए ।
शव पोस्टमार्टमका लागि कपिलाकोट स्वास्थ्यचौकी मरिणमा राखिएको छ ।
