- आइतबार, ३ साउन, २०८३
काठमाण्डु, ७ कात्तिक– आम जनता पार्टीका अध्यक्ष प्रभु साहले प्रधानमन्त्री केपी शर्मा ओली नेतृत्वको १०० दिने कार्यकाल विपक्षीलाई दबाउने, भ्रष्टाचारीलाई जोगाउने र जनतालाई ऋण बोकाउने काममै सिमित रहेको दाबी गरेका छन ।
काठमाण्डुमा आयोजित एक कार्यक्रममा उनले यस्तो बताएका हुन । उनले प्रधानमन्त्री ओली नेतृत्वको सरकार जनताको आवश्यकता र चाहना अनुसार काम गर्न नसकेर असफल भएको आरोप लगाएका हुन् । उनले वर्तमान सरकार विपक्षी दलहरुलाई तर्साउने र फुटाउने खेलमा लागेको आरोप लगाए ।
‘विकास होईन उल्टै जनतालाई ऋण बोकाउने काममा लागेको देखियो ।’ उनले बाढी, पहिरो लगायतका प्राकृतिक विपत्तिमा सरकार भएको अनुभूत जनताले गर्न नपाएको समेत बताएका छन । सरकार विपक्षीहरुलाई तर्साउन लागि परेको आरोप पनि उनले लगाएका छन ।
