- बुधबार, ६ साउन, २०८३
झापा, २१ असोज- झापामा हत्या आरोपमा नाबालकसहित तीन जना पक्राउ परेका छन् ।
पक्राउ पर्नेमा बाह्रदशी गाउँपालिका–७ का ३१ वर्षीय समीर राजवंशी, सोही ठाउँकी २० वर्षीया मेचे राजवंशी र एक नाबालक रहेको झापा प्रहरी प्रमुख एसपी मिलन केसीले जानकारी दिए ।
उनीहरुमाथि बाह्रदशी गाउँपालिका–५ फुलाबारीका २२ वर्षीय राजेश हजामको हत्या आरोप लागेको छ ।
गत जेठ १५ मा बेपत्ता भएका हजामको शव सडेको अवस्थामा २० असोजमा बाह्रदशी–७ बिरिङ खोलामा भेटिएको थियो ।
प्रहरीले घटनामा पक्राउ परेका तीन जना संलग्न रहेको निस्कर्ष निकालेको छ ।
