- बुधबार, ६ साउन, २०८३
काठमाण्डु, २१ असोज– राष्ट्रपति रामचन्द्र पौडेल र प्रधानमन्त्री केपी शर्मा ओलीबिच भेटवार्ता भएको छ । राष्ट्रपति पौडेल र प्रधानमन्त्री ओलीबीच आज सोमबार राष्ट्रपति भवन शीतल निवासमा भेटवार्ता भएको हो ।
भेटवार्ताको क्रममा हालै संयुक्त राज्य अमेरिकाको न्युयोर्कमा सम्पन्न संयुक्त राष्ट्रसङ्घको ७९ औँ महासभामा नेपाली प्रतिनिधिमण्डलको नेतृत्व गर्दै प्रधानमन्त्री ओलीको सहभागिताबारे रिपोर्टिङ भएको स्रोतले जानकारी दिएको छ ।
भेटवार्ताको क्रममा परराष्ट्रमन्त्री डा.आरजु राणादेउवा, प्रधानमन्त्रीका मुख्य सल्लाहकार विष्णुप्रसाद रिमाल, परराष्ट्र मन्त्रालयका सचिव सेवा लम्साललगायत सहभागी रहेको स्रोतले जानकारी दिएको छ ।
