- बिहीबार, ७ साउन, २०८३
विराटनगर, १७ असोज– मोरङ जिल्ला अदालतले दुई नाबालक छोरीको हत्या आरोप लागेकी एक महिलालाई पुर्पक्षका लागि थुनामा राख्न आदेश दिएको छ ।
न्यायाधीश पारसमणि पोखरेलको इजलासले सुन्दरहरैँचा नगरपालिक–७ की २१ वर्षीया अस्मिता पौडेललाई पुर्पक्षका लागि थुनामा पठाउन आदेश दिएको हो ।
अदालतका सूचना अधिकारी हेमबहादुर बुढाथोकीले अस्मितालाई थुनामा पठाउन आदेश भएको जानकारी दिए ।
पौडेलमाथि विष खुवाएर नाबालक छोरीहरुको हत्या गरेको आरोप छ । श्रीमान अर्जुन कार्कीसँग विवाद भएपछि अस्मिता १४ भदौमा छोरीहरु ३ वर्षीया अर्पणा कार्की र १ वर्षीया आइङ्कालाई लिएर घरबाट हिंडेकी थिइन् ।
१७ भदौमा दुवै छोरी स्थानीय नारायण न्यौपानेको केराबारीमा मृत भेटिएका थिए ।
पोष्टमाटर्म रिपोर्टमा दुवैको मृत्यु विष सेवनबाट भएको खुलेको थियो । प्रहरीले उनलाई १९ भदौमा झापाको विर्तामोडबाट पक्राउ गरेको थियो ।
बयानका क्रमा अस्मिताले श्रीमानको टर्चर सहन नसकेपछि विष खुवाएर छोरीहरुको हत्या गरेको स्वीकार गरेकी छन् ।
अहिले भने आफूलाई उक्त कार्यप्रति ग्लानी भएको उनको भनाइ छ ।
