- बिहीबार, ७ साउन, २०८३
गोरखा, १७ असोज– गोरखामा बिहीबार भएको मोटरसाइकल दुर्घटनामा एक युवाको मृत्यु भएको छ ।
बा४२प ७९८३ नम्बरको मोटरसाइकल दिउँसो दुई बजे गोरखा नगरपालिका–९ ठिँगुरेस्वाँरामा सडक डिभाइडरमा ठोक्किएर दुर्घटना हुँदा भीमसेनथापा गाउँपालिका–२ तान्द्राङका ३४ वर्षीय टीकाराम लामिछानेको मृत्यु भएको हो ।
लामिछाले गोरखाबजारबाट आँबुखैरेनीतर्फ जाँदै गर्दा दुर्घटना भएको प्रहरीले जनाएको छ । दुर्घटनामा गम्भीर घाइते उनको गोरखा अस्पतालमा उपचारका क्रममा ज्यान गएको हो ।
