- बिहीबार, ७ साउन, २०८३
विराटनगर, १६ असोज– मोरङको बेलबारी नगरपालिका–३ मा बस र बोलेरो ठोक्किएर दुर्घटना भएको छ ।
पूर्वबाट पश्चिमतर्फ आउँदै गरेको ना४ख१४९० नम्बरको बस र विपरीत दिशामा रहेको बोलेरो आपसमा ठोक्किएर दुर्घटना भएको हो ।
दुर्घटनामा बोलेरो चालक बेलबारी–९ बाहुनीका ३६ वर्षीय कृष्ण थापाको मृत्यु भएको प्रहरीले जनाएको छ ।
दुर्घटनामा गम्भीर घाइते भएका थापाको न्यूरो अस्पताल विराटनगरमा उपचारका क्रममा मृत्यु भएको हो ।
दुर्घटनामा परी बोलेरो पूर्ण रुपमा क्षति भएको छ भने बसको अगाडिको भागमा क्षति पुगेको छ ।
दुर्घटनापछ बस चालक फरार छन् । उनको खोजी जारी रहेको प्रहरीको भनाइ छ ।
