- बिहीबार, ७ साउन, २०८३
काठमाण्डु, १५ असोज– बिहीबारदेखि शनिबार साँझसम्म भएको भारी वर्षापछिको बाढीपहिरो र डुबानमा परी हालसम्म २ सय १७ जनाको ज्यान गएको छ ।
२८ जना अझै बेपत्ता रहेको गृह मन्त्रालयले जनाएको छ । गृह प्रवक्ता ऋषिराम तिवारीले मृतक संख्या अझै बढ्न सक्ने अनुमान गरे ।
उनले खोज, उद्धार र राहतका लागि सबै सुरक्षा निकाय परिचालित भएको उल्लेख गरे ।
प्रवक्ता तिवारीले अवरुद्ध राजमार्ग सुचारु गराउने प्रयास भइहेको र घाइतेको निःशुल्क उपचार गरिएको बताए ।
